الله واكبر

موضوع: الله واكبر الخميس مارس 20, 2008 3:21 am

اللــــــــــــــــــــه وكبـــــــر يا زمان اللـــــــــــــــــــــه وكبـــــر
مـــا ثبـــت دولابـــــه يـــوم ظل طــول الوكــت دولابـــه يفتــــر
بنيــه حلوه وميزتهـا التــواضــع و مـن شفايفـه ذهــــب تنثـــــر
البارحه نحچي بالخطوبه (5)ملايين المقدم هذا ما غير المؤخــر
اجتنــي ثاني يــوم ومغيره تسريحة شعرهــه وعليـــه اتبختـــر
وخلت ركبتــــه على ركبــــــه وگامــــــت عليــــــــــه اتأمـــــر
وگالت اسمع شروطي اريد بيت بالمنصور وتوگف يم بابه سوبـر
ولازم ايكون البيت (4) قوط ولازم الارضيه كلها كاشي ومـرمـــر
گتلها شنو الغيرچ عليه يا حلوة يا ام عيون الي يشوفها يسكــر
اليــوم تطلبين بيت بالمنصــــــور ولازم توگـــف يـم بابـه سوبــر
باچـــر تطلبين مطـــار وبيـه طيـــارات ميگ وأير باس وهليكوبتـر
روحي عني يبنت الناس روحي شوفيلــــج مقــاول اني مگــدر
الساعه البيدي بعتها وصيغــة امي المسكينـــه وشبعــد اكثـــر
اخ منچن يا بنات اليـوم يامن ذليتن المحب والصخر منچن تفطـــر
اسلم عليها سلام الله العتيادي اتگلي هاي
اگلها حبيبتي مــودعه باللــــه اتگلي بـــــاي
يا ربـــي ستـــــرك من سلامــــــــــك شـــــــــو تغيـــــــــــــــر
اني ابدا بعد ما احب لان الحب صار ذله ومهانه وحجي مكســـــر
وأدعي من الله اشوف الي احبها محمره ومكحله وبالشمس تفتر
مو شماته ولا حقد بس علمود تشوف المحب شكد يتحمل ويتأثر
وبنهاية كل كلامـي أريد اعتذر من كل عاشق بسبب حبه تكـــدر
وارد اگله اعذرني حبيبي بس لازم اتعذب وتبقى كل الليل تسهـر
وبعد هاي القصه الطويله اني رايح لان صاح الفجـر اللــــــه وكبـــر