من سيربح المليون

هذا واحد من ( جماعتنا ) راح لبرنامج من سيربح المليون
طبعا تعرفون انه الاسئلة بالبداية كلش سهلة وعيب واحد يعلّس بيها
صاحبنا مشى باول سؤال بس فضحنا بالثاني
تعالو شوفو شسوّه بدنياته
جورج قرداحي : السؤال التاني بميتين ريال هو
عصفور باليد ولا عشرة على...............؟؟؟؟؟؟
الشجرة
البقرة
الصفراء
الحمراء
گله لجورج قرداحي اهووووو بدينا بالصعبات
زين ناخذ رأي الجمهور
المسكين جورج انصدم طبعا !!!!
فكان جواب الجمهمور 100% الجواب الأول ( الشجرة )
اخونا گله لجورج : تره مو على طول يصدگ الجمهور
فأفضـّل لو نحذف اجابتين اذا متصير زحمة
وتخيلو حالة المگرود جورج
حذفله إجابتين فبقه الجواب الأول الشجرة والجواب الثاني البقرة
فگله لجورج : مستفادينا شي لأن بقن الجوابين اللي آني شاكك بيهن
(آني لو من جورج طلقة براسه واخلص البشرية منه )
فگال اخونا :ماكو غير الاتصال بصديق!!!!
اتصل بصديقي حمزة الچايچي
مثل متعرفون انه جورج يسأل عن وظيفة الصديق
گله جورج : شو بيشتغل صديئك حمزة الچايچي ؟
جاوبه : يبيع لبن
الحاصل .. خابروله الصديق و طلعله حمزة
الو .. الو .. لك ليش متجاوبون .. ماعدكم خوات ماعدكم بنات
والله إلا اشتكي عليكم لا يا متستحون ...
جورج : طوّل بالك يزلمة شو بك نحنا من الأم بي سي
برنامج من سيشگ هدومه أأأ ئصدي من سيربح المليون
حمزة : هاها العفو .. بالخدمة آني يدلل فاهم ( فاهم اسم صاحبنا .. غير لايگله صلوات )
جورج : معكن تلاتين سانيه لمّا بيبدا الأخ فاهم بالكلام .. تفضل فاهم
فاهم : ها خويه حمزة شلونك شكو ماكو ؟ گلي خو ماكو تفجيرات هاليوم ؟
سلملي على أمي وگلها مالگيت دشداشة كودري .. ميخالف كشمير
طوط طوط .. خلصت التلاثين ثانية و مثل مشفتو ... كلشي مفتهم فاهم
فسأله جورج قرداحي : وهلأ شو بدك تعمل ؟
فجاوب : والله يا استاذ جورج ما اگدر اجازف بصراحة
خاف اجاوب ويطلع غلط وهالنوبة تروح الـ 100 همّات مال سؤال الأول
فكلة انسحب احسنلي وآخذ الـ 100 ريال
وعلى گولت أبو المثل : عصفور في اليد ولا عشرة على الشجرة......